Playmaker: Tokang Galuyya Bal

 

Salera. Lalampan.com. 1444. Rowi El-Hamzi paneka babbar e kampong Gindhaga, Buabu, Disa Longos, kacamadan Gappora, tantona kabupaten Songennep (Sumenep Sumekar). Mon ganeka enggi jellas lakar oreng Madura. Asli. Ta’ usa kobater. Bangaseppona jugan asli  oreng Gindhaga. Lalake’ paneka ampon araji (abine) tor ampon gadhuwan potra. Ngabidi sakola’an molae dhari Ibtida’iyah Taufiqurrahman Telenteyan, disa Longos sekitar taon 2000an. Enggi jellas lakar babbar sabellun taon 90an. Salulus dhari Taufiqurrahman, se bakto paneka gi’ sobung sakola’an Madrasah Tsanawiyah, Rowi paneka ngalle ka Kalaba’an Luk-guluk, ka pondhuk salaf. Ajar ngaji, maca ketab koneng, ajar nahwu-sharrof. Sopaja oneng ka mubtada’ ban khobar, nyopre oneng ka se gedda’ ban se jembar.

 

Paleman dhari Kalaba’an, lebur ka bal paggun ta’ korang, samangken, bila badha gelaran pesta bola international, akadiya piala dunia, adukung Argentina, tape manabi klub adukung Liverpool. Sabban badha tatenggun bal amaen, ta’ loppa kaangguy nenggu. Tanto adukung #Madura #United sabab coma settong badha bal se maso’ liga 1, liga elit professional Indonesia. Banne gun lebur nenggu bal, tape lebur amaen. Perna amaen e Gelora #Pamellingan #Pamekasan dhalem trofeo, badha tello’ klub dhari Sumenep, Pamekasan ban Sampang se amaen. Tanto neyadda coma bur-leburan, sopaja andhi’ kanca kalaban badhana pertandingan. Banne nyare moso.

Maos jugan

• ANJANGSANA D. Zawawi Imron
• Agantong Kakapper Sabellun Pajjar
• Pangadha’ dhari K.A Dardiri Zubairi

 

Bos cabbi se pas aoba daddi bos gula tarebung (gula mera) paneka aropa’agi Pemuda disa Longos. Dhimen aktif e komunitas Talpa’ Tana, enggi paneka kompolan ngongodhadan sopaja ngongodhadan ta’ semma’ ka pola tengka se majuba’ nyamana dibi’. Kalaban badhana kompolan paneka, kacong-cebbing Telenteyan pendha odhi’, odhar tor apareng kabar se jembar. Sanajjan kaso kalaban cabbi otaba gula, paggun ta’ busen se amaena bal, se nengguwa bal. Samangken jugan molang e tello’ sakola’an. Tor jugan gi’ aktif e Gerakan Pemuda Ansor kacamadan Gappora.

Lalake’ parjuga neka lebur noles, lebur noles artikel sareng puisi. Sampeyan bisa maos sanja’-sanja’na e lalampan.com paneka. bisa epece’ e sanja’, kalaban nyama Rowi El-Hamzi pon sampeyan bisa manggi dha’ sadaja sanja’-sanja’na se lebur, parjuga, akadiya taleka kakerrongan enggi paneka rindu. Tolesan sanja’na ampon bannya’, namong manabi epakompol daddi settong buku, acora’ gi’ korang bannya’. sanja’-sanja’ aropa’agi sanja’ kalaban nyaba pesantren, enggi paneka bannya’ lai-nilai se patot sampeyan rassae lebat sanja’na. Demi Masa Yang Berluka, ka’dhinto ta’ bisa epongkere, ka’dhinto agandhu’ ma’na se dhalem parana. Masa ka’dhinto bako, berluka, tanto bakal ngalocor aeng mata dhara, asabab kasta se ampon talebat raja.

 

Lalake’ paneka lakar ka dunia sosial, manabi badha lendhu (gempa), otaba balai napa bai, akadiya gempa bume neka orengnga parekas, lekkas tor gancang sopaja bisa nolong, mela dhari paneka langsung nyebbarragi pamphlet ja’ laziz bakto mondhuk enggi paneka Laziz Sidogiri bakal madhapa’ sadaja bantowan masyarakat. Sadajana oreng bisa ato-banto lebat ganeka. Lalake’ paneka ampon oneng ka dalil epon, ja’ saongguna manabi padha islamma neka kodu saleng pakowat. Ajung-rojung saleng banto. Mon ta’ sataretanan sareng pasera pole oreng se bisa’a saleng banto.

 

Samangken sopaja bisa odhi’ kalaban samporna tor parjuga, ka bara’ ka temor, ngaterragi gula ka kottha sopaja ebelli sareng oreng kottha. Kalaban kaodhi’an  kadi paneka. giliran. Oreng kottha bisa arassa’agi manessa kajembaran se epalebat la’ang. kottha ban disa kodu saleng banto. Banne saleng basto.

Maos jugan

• Petani Tembakau yang Jago Mendalang
• Rora Basa Madura
• Sapardi DD & Fiersa Basari Idolana
• My Idol Is The Prophet Muhammad
• SMPI NUJA Ngereng Festival Basa Madura