Lalampan.com. 1444. SIM otaba se ampon ekaonenge
kalaban Surat Izin Mengemudi enggi paneka kartu kene’, tepes, akadiya KTP
(kartu tanda penduduk) se aguna dhalem tandha ja’ oreng kasebbut ampon andhi’
SIM, gunana SIM paneka manabi badha pareksaan dhari pihak kepolisian sopaja
nyaman ta’ repot tor sebagai tandha’ oreng kasebbut pon olle nompa’ sapedha
motor, nyettir sapedha motor (SIM C), enggi manabi terro nyettira mobil enggi
agabay SIM A ban samacem kabutoanna. Are mangken kaula memperpanjang SIM e
Sumenep. Dhimen agabay e Jogjakarta asabab polana akulya.
gella’ gi’ laggu bak seyal asabab ternyata gi’ kodu
badha sorat kesehatan jasmani tor rohani, pon apangara entara ka Puskesmas
agabaya Suket Jasmani, namong anya-tanya, ka sakanca’an, tamaso’ ejawab sareng
ketua Ansor Pragaan, Sahabat Imam se pon pengalaman agabay SIM. Poko’ entare
foto copyan semma’na Polres, atanya. Kaula pon mangkat. Se ka’dhimma sapedha
lakar korang sehat, asabab rantayya masthena lakar kodu obai.
Maos jugan
- Bahasa Bawean
- KEHEBATAN PAK HAMKA DALAM PENJARA
- Syndrome; Penyakit Psikis Remaja
- Mosemma Arta’, Gatel keng Manes
Kaula mangkat ma santai, ta’ kose makaburu, sanajjan
pon kol ballu’an. Kaula lebat Gulu’ Manjung, ka Dhaja ka’dhissa’ terros ka
Lenteng (tanto lebat gunong pegga’). e jalan se lebar, ampon sella’ kalaban
kendaraan raja. Lebat temorra RSUD ka temor, ka dhaja, ka temor pole, temmo
nengngale bacaan, Tes Psikologi SIM. Kaula maloros terros, badha bacaan
pelayanan SIM, dhari ganeka kaula maso’, ternyata gi’ pembangunan, saenggana
kodu lebat galadhak se jabara’an.
Maso’ ka dhalem ternyata sabellun maso’ kodu agabay
surat kesehatan Jasmani tor tes Psikologi, kaula ngerana badha e dhalem.
Saenggana kaula kalowar pole, tor apareksa. Sabellun apareksa, epakon fotocopy
KTP tor SIM empa’ lembar bang-sebang, tor map biru. Lastare ganeka ka pareksaan,
kalaban majar tello polo ebu (30K). Lastare apareksa, epakon Tes Psikologi SIM
se lakar ampon esadhiyagi. Adaftar kalaban majar pettong polo lema’ (75K), e
amperra pon badha banner raja, egadhiya daftar argana psikotes SIM (A, B, Umum
tor C otaba D).
Maos jugan
- Feminisme dalam Pekerjaan Sosial
- Healing, Jalan Terjal & Berbatu
- Karnaval Never Ending Soud System
- Bakso dan Problematika Kehidupan
Bila pon lastare, Psiko tes SIM, maso’ ka SATPAS
Polres Sumenep se pon parjuga, akantha Mall. ajuluwagi maps se pon aesse KTP,
noles Maps, tor noles formulir, majar argana perpanjangan SIM. Lastare ganeka
eolok kaangguy afoot. afoot giliran. antos cetak. lastare. korang lebbi sagame’
mennit (25 Menit). Pon daddi. Sela bariya se alayani jugan ramah, ta’ bus
garubus. poko’na nyaman. Manabi lopot tanto bakal ebalai. Kaula loppae ta’
atanya kadipana cara mon agabay SIM e Sumenep.