Roba Paseser Madura

Lalampan.com. 1444. Madura samangken pon pendhanan bisa ekoca’ odhi’, saamponna kalowar dhari covid-19, se ka’dhimma masyarakat ampon abali alako kalaban samporna, saestona masyarakat Madura neka paggun alako, asabab bakto ganeka ta’ sadajana eparenge obang tor berras sareng pamerenta. Dhari taon se gi’ buru neka, se ka’dhimma ojan ngatalbes, asababbagi bako ngambang, ojan, gaggarra aeng mata, se asababbagi saba banjir, berruy kantos ta’ metto sowara. Namong samangken, koli ban tokang pon padha abalajar, mangkat, mekol landhu’, majang, mekol jaring, renjing tor samacemma, sapa neka oreng ngarakat, asabab terro ngoba’ana harkat.

Sanajjan bannya’ katoppalan, korang samporna, penggir sereng Madura gi’ andhi’ roba, taon-taon se sabellunna, robana gir sereng ngaredhap ngamennyor, seddha’ ngonyor, asabab lembayya dhaunna nyeor, namong samangken, karang-karang ebungkar, plastik-plastik atompo’, nyambilat, cap-kecaban. Badhana balanan odhang jugan se apareng barna monggu roba penggir sereng Madura, banne coma buja se elang rassana, namong sagara akaton elang embana.

Maos jugan

• MENGEJA MATA KEKASIHKU
• Jarak yang Kukejar
• Sajak Hamdani Mandala
• Lukisan Musim Lalu

balanan otaba’ tambak (odhang) ganeka banne namong e kennengngan se ampon biyasa etempati, akadiya penggir sereng se lakar daddi pabujaan, namong samangken, bannya’ tana e penggir sereng, se pon ta’ eka andhi’ masyarakat magarsarena, ampon gaggar ka oreng laen. Badha se bunga, badha se kalengan tana, badha se rosak odhi’na, tana se daddi pamoleyan aba’, elang sampe’ aba’ ta’ neng nedda’.

Dhimen, oreng entar ka Penggir sereng, kare nyambi kereng, areng-ereng, paraban otaba lanceng, padha mangkat, nyo’on kereng otaba mekol rencing, mangkat ka tase’, nyare kopetheng. Bakto gir sereng gi’ daddi embu’, pomoleyan sabban laggu, sabellun are panas, sabellun sorop are. Samangken gir sereng, kare nyamana, elang nyamanna. Salaen plastik se nambal robana.

Madura lakar kalonta kalaban polo buja, sanajjan sakone’ namong arga, bannya’ oreng ngabas, alerek, terro arassa’ana alos buja, dha’ ka gerrungan bisa ma lorga. Tadha’ buja, kaodhi’an katon ta’ legga. Ta’ andhi’ buja, kaodhi’an akaton astaba. Gir Sereng Madura, Ngereng Paggun Jaga.