Festival Tunas Bahasa Ibu

lalampan.com. Taon mangken Jaba Temor mabadha Festival Tunas Bahasa Ibu, enggi paneka ebadha’agi adduwan/lomba dhalem basa Madura. Hal paneka ta’ lopot dhari pangarep otaba upaya sopaja basa Madura daddi kembangnga late, enggi paneka eangguy sabban are, lomba-lomba paneka badha petto’ macem enggi paneka; lomba Pidato kalaban tema akadiya maemot kamardikaan, arabat basa (bangsa), tor laen samacemma. tanto ampon badha juri se esadhiya’agi. Tantona dhalem apidato ka’dhinto ta’ kengeng, ta’ olle bullying, ca’-ngoca’e, mate’e oreng, jugan kekerasan, paneka ta’ kengeng, apidato dhalem bakto pettong menit.

Lomba Maos Sanja’ (baca puisi) tantona enggi basa Madura, manabi ka’dhinto enggi panitia se nyadhiya’agi sanja’ epon. Kriteria penilaian epon enggi paneka Interpretasi, Ekspresi tor Intonasi, parlo ekagali oreng se nenggu (pentonton) neka ta’ kengeng akopak bakto nenggu tor nger-enger. aneka jugan ampon badha jurina.

Lomba macapat Madura Peserta olle mele tembang se ampon esadhiya’agi panitia antara tembang pucung otaba maskumambang, tor jugan bisa mele laras tembang antara slendro otaba pelok, peserta coma bisa nembang dhalem bakto pettong menit, se daddi penilaian enggi paneka vokal, teknik vokal, kesesuaian lagu tembang se epele tor penampilan. aneka ampon badha jurina.

Maos jugan

• Rakara (Naskah Lakon, Anwari)
• Naskah Lakon: Equilibrium
• Puisi Madura Sorat Ibrahim
• Ngosap Dhadha, Nyangkole Kerrong

Lomba Adungngeng kalaban tema se bisa epele enggi paneka arabat basa arabat tengka, ababbar lajar nojju dha’ Madura, Madura careta se nyelbi dhari sokma. dungngeng cerita rakyat se asal epon dhari kabudhaja’an setempat, akadiya Sumenep, ta’ olle badha bullying, Isu SARA, napa pole arebbu’ daddi rato (kekuasaan). aneka jugan ampon badha jurina.

Lomba Paleggiran (Lawakan Tunggal) kalaban tema Sakola’an. kalaban penilaian epon enggi paneka oreng se nenggu agella’ ta’ bu-ambu dhalem samennit, kesesuaian dengan materi, dhalem nyampeyagi jugan daddi bagian dhari penilaian. Tantona aneka pon badha jurina.

Lomba Ngarang Carpan (careta pandha’) kalaban tema epon lebur maca, arabat sakobeng tor merte pangabakte monggu bapa’ babuu’ guru rato, caretana agandhu’ pangajaran, pesan moral, ta’ ngandhung SARA, ta’ ngandhung pornografi. Dhalem ngarang carpan paneka, etoles bakto pelaksana’an kalaban toles tanang dibi’. Paleng sakone’ dhuwa’ kaca (2 halaman). enggi tanto etoles kalaban basa Madura (janowa etolesa kalaban basa ibrani), kalaban bakto noles dhujam (2 jam). Orininalitas ide ban kesesuaian tema, asareng diksi tor gayana acareta, eparenge keutuhan, keselarasan kantor amanat paneka bakal daddi penilaian. Kodu badha amanat se esampeyagi. Nyamana bai lomba ngarang carpan. Mon gun ngarang karebba dibi’ pola ta’ usa amanat. Enggi aneka badha jurina.

Maos jugan

• Ja' Nyorot" Pak Mahfud
• Agi’-gigi’ Sangngarra Jagung
• Madhurâ ḍâlem Kaca Sajhârâ
• Kembang Asoka, Moh Ghalib Bafadlal

Lomba Carakan, noles ban maca. noles tello polo mennit, maca dhu mennit, enggi maca carakan, noles carakan. dhalem noles carakan bisa manjeng, mereng ngacer, e attas garis buku, otaba agantong e garis buku. dhalem kalimat emolae kalaban tandha deg-adeg tor etotop kalaban titik. dhalem maca carakan, ta’ olle eeja. Kodu lancar.

Ketentuan penilaian: Ketepatan Penulisan Huruf, Kelengkapan Penulisan, Kerapian Penulisan, Pelafalan dalam membaca, ketepatan waktu membaca. Tanto paneka ampon badha jurina.

Sadaja lomba paneka monggu na'-kana' SMP Negeri otaba Swasta.