Arè samangkén, Aidan sareng Riska alomapa ta' paḍâ
sareng rè-arè biyasana.Kaka' alè' ghâpanèka mèyos ḍâ' dhâlemma embana anangèng namong asareng Ramana. Ébhuna ta' ngèrèng
amarghâ bâḍâ kalakowan sé ta' lastarè è
dhâlemma
Lastarè bhâjâng isya', sa'ampona ramana rabu ḍhâri
Masjid, orèng sè katello ghâpanèka jhujuk mèyos
nojjhu ḍâ' dhâlemma embana sè jhâuna korang langkong 3
sampè' 4 kilometer ḍâri dhâlemma.
Sa'ampona tandhuk ḍâ'
dhâlemma embana. Aidan mator ngagunge panyo'on dâ' Ramana.
"Rama...! Manabi ampon palèman, kaulâ ngobângaghi
sèttong bhârâng, ghi?" Panyo'ona Aidan.
"Apa jhârèya cong ?" pètanyana Ramana
kalabân cè'terrona sè onènga.
"Kaulâ mellèyagi pètè', budu'na ajâm èngghi,
ma?"
"Bâ... Dimma orèng sè ajhuwâl pètè' jiya, Dan?
Apa polè satèya la malem."
"Neng ka'ḍissa, Ma. Ghi' bhuru abdina nèngalè
neng jhâlân bâḍâ lalampa'an Haflatul Imtihan. Sé ajhuwâl pètè' bârna bâḍâ neng
lalampa'an ghâpanèka." Jâwâbbhâ Aidan.
Maos jugan
- Peribahasa Madura, Sanja' Kona
- Konsonan Alos & Dhammang
- Lanceng Talpos Ban Salbut
- Ngaji e Lencak Socce
- Cangka Asela
"Oou... Iyâ la. Ḍâgghi' nyepper ḍâ' dâ'ḍissa."
Jâwâb Ramana.
Sa'ampona 30 menit, akhèrra palèman, Aidan cè'
kabhuruna sè nyepperra ka orèng sè ajuwâl pètè' bârna. Sa'ampona tandhuk ḍâ'
kennengan sè è tojjhu, Ramana Aidan jhujuk makon potrana ka'angguy mèlè bârnana
pètè' sè èkasennengè.
Bârna konéng, éngghi ka'ḍinto bârna ḍâri buluna pètè'
sè èkasennengngè Aidan. Ta' èkasangka nyatana alè'na Riska jughân pangaterrona
mellèya pètè' ghâpanèka jhughân. Totok lakkas sè kaḍuwâ paḍâ nèngtèng pètè'
sareng korongnga tor palèman kalabân senneng atè.
Nurul Hidayat aropa’agi Guru e SDN Tampojung Pregi Kecamatan Waru Kabupaten Pamekasan, bapak Nurul Hidayat paneka nyerrat carpan ana'.