Lalampan.com. 1446. Sadaja moret “Sekolah Menengah
Pertama (Negerti tor Swasta)” otaba SMP dhalem kabadha’an bunga, parjuga tor
jatmika dhalem ngaromat lalampan ‘Festival Tunas Bahasa Ibu’ (FTBI) se ekalampa
sareng Dinas Pendidikan Kabupaten Sumenep. Dhalem FTBI ka’dhinto badha pettong
macem lomba se eaddu, molae dhari Adungngeng, Carakan, Pidato, Macapat, Maca Sanja’,
Ngarang Carpan tor Paleggiran (Lawak Tunggal).
Lalampan ka’dhinto ekabidi dhari tanggal 15 Oktober
2024 sampe’ 17 Oktober 2024. Sabellun nojju dha’ lalampan addu penal, lalampan
ka’dhinto ekabidi kalaban tareka lampa, akadiya ‘Menyanyikan Lagu Indonesia
Raya’ adu’a tor sambutan-sambutan.
Pamator Kabidan enggi ka’dhinto dhari Salerana se Molja
Kepala Bidang Pembinaan Sekolah Menengah Pertama (Kabid P-SMP), Bapak M. Fajar
Hidayat. Pak Kabid notoragi lalampan ka’dhinto ekalampa sopaja tombu, nyelbi’
bibit-bibit se bisa lebur dha’ basa Madura, ta’ todhus pole abasa Madura,
ngaromat ban ajaga basa Madura. Mela dhari paneka sadaja lomba paneka (FTBI)
dhalem basa Madura.
Pamator pongkasan tor jugan marasmi jalanna lalampan,
enggi ka’dhinto dhari Salerana se Molja, menangka Lora Dinas Pendidikan
Kabupaten Sumenep, Bapak Dwi Agus Saputra, S.Sos., M.Si. “Kalaban Maos
Bismillahirrahmanirrohim, kalaban Nyebbut Asma Epon Se Maha Bellas tor Maha
Ase, Festival Tunas Bahasa Ibu, Bahasa Madura, Resmi dibuka.”
Metorot dhabuna Lora Dinas kasebbut, lalampan kadipaneka ja’ namong sakaleyan, Ja’ coma FTBI, kodu badha acara-acara saropa, saenggana basa Madura sajan ekaleburi sareng ngongodhadan, eyatore dha’ sadajana ngalaksana’agi kadi ka’dhinto, dinas sanat kaangguy ato-banto, badan kaula siap nyareyagi sponsor. Mereng dhabu kadi kasebbut, sadaja pameyarsa bunga kantos akopak kalaban gumbira. Badhana lampu ijo ka’dhinto akadiya Labang Mesem se pon tabukka’ edhardhar. Samoga daddi jurbuna basa Madura, wabil khusus e Songennep. (LaM).