Assalamu 'alaikum wa
rohmatullahi wa barokatuh
Saporana terro ngamponga
nyaossagiya sakodhi' pangaonengan se kadhang ekaloppae, tor moga gi' ekabuto,
enggi paneka bab:
MACEMMA TOR PANNENGNGA
TOJU ':
se makompol: Tadjul
Arifien R
~ Atempo : soko se kacer
esaba' e babana pokang se kangan, bettes se kangan esaba' e lowarra pokang,
epelko' ka budhi eparapet ka pokang se kangan.
~ Alerpo' : (atempo
kata') bettes se kangan etelko' ka budhi, esaba' e lowarra pokang ban eparapet
ka pokang se kangan, se kacer padha pannengnga ban se kangan.
~ Aterko : bettes
dhukalaja e saba' e babana pokang dhukalaja, akantha toju' e antarana dhuwa'
sojud e bakto asolat.
~ Ngonjur : bangkong
toju' e tana dineng soko se dhadhuwa' epaka'adha' sadaja (asalonjur).
~ Asela : toju' soko se
kacer epelko' pas esaba' ebabana pokang se kangan, soko se kangan saba' e
babana pokang se kacer.
~ Ajarukkong : toju'
pokang kangan kacer eangka' ka attas pas to'ot sareng bettes epelko' ka baba
epanalpe' ka dhadha, bettes kangan kacer eparapet ka pokang bang-sebangnga,
dineng bangkong nyedding ka tana.
~ Nengkong : para'
padha'a ban ajarokkong tape pokang ta' eparapet ka dhadha/tabu', bangkongnga
ta' nyedding ka tana,
~ Adhekkong : bettes
dhukalaja e saba' ka tana, pas badanna manjeng,
~ Ajalan nengkong :
nengkong tape pokang epaloros ka'adha' tenggina antara bujel ban to'ot loros,
pokang se dhuwa' eparapet, dineng tombet badha ebabana bangkong, konco'na
garigi' epelko'agi ka tana, pas atengka'
ganteyan soko kangan ban kacer, to'ot ja' kantos ngongkole bujel, mon tako'
robbu, tanang se kangan panyedding ka tana padaddi canggana badan,
~ Baktona ajalan
pannengnga bangkong, dhadha ban sera kodu sodek tor ngaddhep ka'adha' loros,
ta' olle nondhu' ban le-toleyan.
~ Biyasana mon pangantan
maso', ra-kera èlla' 5/7 meter ambu, pas tanang dhukalaja esaba' eattassa to'ot
pas nyemba.
Ka'angguy ngokor katarbuka'an (kecerdasan) moret.
