Lalampan.com. 1446. Manabi ta’ kalero pon badha ‘TUGU
KERIS’ enggi paneka Kerres raja, tenggi, se epamanjeng e disa Sendang,
manabi ta’ kalero enggi paneka 17 meter (petto bellas meter), badha se ngoca’
12 meter, media online bida-bida, ta’ oneng sapa se ewawancarai. Ca’na Tugu
Kerres paneka sopaja daddi destinasi wisata, otaba panggung wisata, malle Masyarakat
bisa entar, afoto, le-melle, ban samacemma.
Badha Tugu Kerres ganeka, se pendhanan lebar areana,
saenggana legga manabi eabis, akadiya taneyanna ja’ mola’a, saenggana
oreng-oreng se entar bisa afoto, mon terro afotowa, kaula samangken saestona
badha e disa Karduluk, enggi paneka disa se badha e Pragaan, akadiya Sendang, Prenduan,
Aengpanas jugan, bisa ekoca’ semma’ ka Tugu Kerres ganeka, keng kaula gi’ TA’
GALIYA’ se entara ngabas secara khusus, molae gi’ ta’ ranta, sampe’ pon eresmiyagi
sareng Menteri Kebudayaan, Fadli Zon, bakto are ka’dhissa’.
Buru barempa are resmi ebukka’ ka angguy Masyarakat (publik)
pon acem-macem badhana kabar, (se teppa’ tolesanna kabar, ja’ lako noles
kalaban kaper), molae parkiran, tarif maso’, ban samacemma, napa pole
masala puisi otaba sanja’ se badha e tembok tugu kerres ganeka, se etoles
sareng salerana, Ibnu Hajar, se ehajar sareng seniman-seniman Sumenep, puisi
liris, aneka’ puisina, bisa sampeyan baca dibi’:
Puisi IBNU HAJAR Yang
dimaksud dalam tulisan ini adalah:
MUNAJAT DI JANTUNG KERIS
di tanah para empu ini
aku masih nikmat
bercengkrama dengan geliat pamor
sementara langit tetap
saja menyimpan jejak para leluhur
menjelma hamparan panjang
pohon-pohon siwalan
di sela doa paling ijabah
dunia kita adalah gugusan
luk Sembilan pada kitab waktu
di antara tajali
puisi-puisi Adam yang semburat di pintu surga
dan, mari genggam
warangka keris ini di halaman semesta
jangan biarkan Sejarah
menelantarkan bilah-bilah sukma
sebab kita tak akan
mencakar muda sendiri
udara bergaram mulai
mengirim lautan imaji
ke sudut selut yang tak
pernah lunglai, di bibir cakrawala
saat matahari senja mulai
bersujud
di pelupuk daun cemara
sepasang merpati melantunkan
tembang:
cinta
dan aku masih setia
menjilati semerbak Melati
Sumenep, 2024
Pola lakar nyaman ‘Menjilati’ semerbak aroma dollar$,
haha. Manabi sampeyan entar ka Tugu Kerres ganeka, pas ngagali sanapa abi’na
biaya se eguna’agi kaangguy agabay Lokasi ganeka se lebar, tor kerres se raja,
tanto sampeyan bakal ngoca’, bali’ eangguya laen, obang ganeka, tape se nyamana
pamarenta, lakar en-laen pekkeranna, napa pole pamarenta Sumenep se lebur amaen
thongthong ul-daul (ul-gaul), enggi dinggal, berarti samangken baktona seniman
thongthong se semma’ ka bupati, ban bannya’ ollena (ta’ oneng olle napa). Seniman
se laen enggi pasabbar.
Manabi nengngale, nengngale banne maca, tanto baliyat
ka pekkeran, artena korang nyaman se ebaca’a sampe mare. Dinggal manabi
sampeyan penasaran ka puisina, enggi entare, tenggu, baca, ta’ usa
nyeng-ranyeng, neser ka oreng se ngedhingngagi, ban kadinapa mon ebaca na’-kana’
se gi’ ta’ dibasa, se ka’dhimma bakal cekka’ dhalem pekkeranna, bisa enga’
ganeka kabbi puisina, palang.
Tor sampeyan gi’ ta’ oneng, sanapa senimana se noles
puisi ganeka ebajar, manabi oneng, kaula ta’ oneng kadinapa tacengnga’na
sampeyan. Manabi sampeyan terro onenga, enggi maca tolesan epon Daviatul Umam
paneka. Enggi pece’ laju. Sampeyan ta’ usa tacengnga’, manabi sampeyan coma
bisa ngosap dhadha. Pasabbar manabi jalanna sara, Lorong rosak, ambu ngeccor
dibi’ akadiya e Karduluk, pasabbar, banne anggaranna.
Rakyat neka lakar kodu sabbar, kodu narema, napa pole se bisa elakone, sabban are badhi ngacopok, paggun tadha’ ollena, sa pragaan neka gi’ pendhanan jalan se rosak, buru ka ka’dhimma danana, enggi ta’ oneng. YA NDAK TAHU, KO TANYA SAYA!